حمصي ذكي

قصة مأخوذة من الواقع

قال مرة اجتمعوا حلبية و شوام و بيناتهم حمصي واحد بغرفة و كانوا كلهم ميتين من العطش
قام اقترح الحمصي انو يعملوا قرعة على اللي بدو يروح يعبيلهم ماء
اطلعوا الجماعة ببعضهم و خطرت ببالهم الفكرة بوقت واحد
كلهم قالوله ماشي الحال و بلشوا يقطعوا بهالورق ليكتبوا عليه الأسماء على أساس
قام واحد من الشباب و قال : بالعدل و ما منرضى غير بالعدل , و قعد على راس اللي بده يكتب الأسماء , نشان يخلي الحمصي يطمن انو في عدل على أساس
و طبعا صاحبنا ما كتب غير اسم الحمصي بالورق

طلعوا لبرة الغرفة و خلوا طرف محايد يسحب ورقة طلع فيها اسم الحمصي و هداك الحمصي جن و ما فهم الخدعة الي لبسته , راح عبا ماء و رجع

بعدين صار الشباب بدهم شاي , مين حيعمله ؟ لجأوا للقرعة مرة تانية
بس طلع صاحبنا هاد زكي غير كل الحماصنة و شك بصحة القرعة فقرر انو يشوف الأسماء بعينه هالمرة , الشباب ما كذبوا خبر خلوه يشوف الأسماء .
قالوله يجيب حدا من برة يختار ورقة و بهالأثناء بدلوا الورق و رجعوا الورق اللي فيه اسمه بس
و لما اجا هالحمصي و معه الطرف المحايد و اختار ورقة و طلع اسمه اصاب بخيبة أمل و حط ايده على وجهه من الإحباط بهاللحظة رجعوا الشباب الورق النظامي , و فكر حاله ذكي و طلب يشوف الورق ,,, و مرقت عليه

قصة مأخوذة من الواقع

وانا بشهد ع هلقصة
يا حرااااام شو صار بصاحبنا الحمصي وقتها
بكاني من الضحك
مشكور عمي بشر
نحن متعودين عليك وعلى كتاباتك الواقعية

وانا بشهد ع هلقصة
يا حرااااام شو صار بصاحبنا الحمصي وقتها
بكاني من الضحك
مشكور عمي بشر
نحن متعودين عليك وعلى كتاباتك الواقعية

هههههههههههه هاد الحمصي من السنة الأولى .... انا متأكد انو رفيقي واسمو تيييييييييت ...!

هنودة ملاحظ انو بسنة أولى مافي غير حمصي واحد
يعني ما بقالها لازمة تخبي اسمه

ههههههههههههههه لك صحي شلون ما خطرتلي هي ؟ شكلي انصبت بشوية شظايا حمصية من مرافقتي لألو